5 сентября 2020, 14:21
Источник 
akipress.kg
Комментарии
Ааламга жол айылдан башталат. Айылдан ааламга аты чыккан улуу залкарлар, эли-жерин сүйгөн адамдар чыккан. Жеңиш Молдокматов алдыга чоң кадам таштаардан мурун өз айылына барып, кичи мекенинин тургундары менен амандашып, ак сакалдардан бата алуу үчүн боордоштору менен жолукту.
Жеңиш Молдокматов Советтер союзу ыдырап, Кыргызстан мамлекети жаңы түптөлгөндө Ысык- Көл облусунда төрөлүп, кийин Ак-Талаа районунун Куртка айылында окуп, Нарын шаарында иштеген. Чет өлкөдө жогорку окуу жайда билим алып, кийин Бишкекке которулуп, ишин уланткан. 2010-жылдан баштап коомдук иштерге аралашып, 2015-жылы "Замандаш" партиясынын курамына кирген. 2018-жылы партиянын төрагалыгына өтүп, быйылкы парламенттик шайлоого партияны жетектеп бара жатат. Бата алуу үчүн биринчи өз кичи мекенине - Куртка айылына сапар алган.
Өз атасына куран түшүрүп, өз эли менен амандашкандан өтөөрү жок болсо керек. Ак-Талаа району да өз кулунун, ураанын чакырып күтүп алды. Ак-Талаа жерине Жеңиш Молдокматов менен бирге партиянын негиздөөчүсү Муктар Өмүракуновдун жубайы Чынара Шейшекеева, алтынчы чакырылыштын депутаттары Умбетаалы Кадыралиев менен Айсулуу Мамашова да барган. Партиянын катарындагы өз жерине күйө турган азаматтар элдин ал-акыбалын сурап, талабын талашканга даярдыгын билдиришти.
Жеңиш Молдокматов өз кайрылуусунда: "Муктар Өмүракунов партияны түзүп жатып, сыртта жүргөн өзүнүн боордошторун көрүп, мекениме жардамым тийсе экен деген каалоосу бар эле", - деди.
Ал өзгөчө пандемияда мамлекетти өнүктүрүү боюнча мыкты реформаларды жасоо керектигин билдирип: "Биздин карыялар да өнүккөн мамлекеттердин карыяларындай эл-жер көрүп, саякаттап, татыктуу карылыкты өткөрүшү керек. Өлкөбүздө дүйнөлүк стандартка жооп бере турган мектептер кулулушу керек, ошондой мектерди куруунун учуру келди. Биздин катарда кесипкөй, профессионалдуу мугалимден баштап генералдарга чейинки өз ишин мыкты билген талапкерлер бар.
Шайлоо деген күрөш, бул шайлоодо жеңишке жетебиз деген максатта шайлоого аттанып жатышат. "Замандаш" он жылдап кылган эмгеги жана тарыхы бар таза партия. Биз куру убадаларды бербейбиз, бизде катарда жүргөн мыктылар, парламентке сиздердин өкүлүңөр болуп, үнүңөрду угузуу учун баратабыз. Биздин катарда мекен үчүн иштейли, мамлекетибиздин өнүгүүсүнө салым кошолу деген жаш талапкерлер бар. Мен өлкөнүн тагдырын ойлонуп, мамлекетибиздин өнүгүүсүнө биз салым кошпосок, ким салым кошот деп ойлодум. Урматтуу элим, добушуңарды акчага сатпагыла, эми биздин мамлекетибиздин келечеги сиздердин колуңуздарда. Биримдикте бололу, бирге өнүгөлү, калкым", - деди.
Ошондой эле жолугушууда көптөгөн маселелерди чечүү жолдорду партиянын программасында бар экени баса белгиледи.
